3 tages tour snorkelling :)

am letschte fritig beni in cairns glandet :).. esch en luschtige churze flug gsi..
lersch halt scho emmer lueht kenne wennd so underwaegs besch ;)
d'fabien vo bern het no grad geburi gha ah dem tag und esch sogar au no grad in cairns gsi :) aso haemmer grad nochli geburi gfiret.. esch luschtig gsi.. chasch aso no guet in uhsgang do... esch au schoen gsi si weder mol z'gseh :)

am sunntig het denn mini 3-tages tour gstartet.. ech ben nume gho schnorchle aber han glich no recht viel gseh :) en hai, schildchroete und vieli vieli bunti fischli :).. mer send en mega grossi gruppe vo 35 lueht gsi.. und ich natuerlich di einzig wo esch gho schnorchle.. jeno.. uhfem schiff esch no gange ben nume am ahfang chli seechrank wurde.. het recht do di erschte drue stund aber hans ueberstande und danach emmer schoen brav mini tablette gnoh :)
geschter obe semmer denn nomol alli mitenander gho esse und eis gho trinke :)..

huet ghot min flug nach brisbane.. dete bliebi denn no bes am fritig min flugi ghot :) ben aso scho gli weder deheime und das esch wahrschindli au min letschti ihtrag ih dem blog :)...
also bis gli demfall :D..

s'letschte sunnige greussli
bettina

Adelaide - Alice Spring

sali zaeme :) wie ghots euch so ???

jetzt beni grad in alice :) ben jo vor sechs taeg in adelaide gstartet met ehre tour nach alice springs.. hihi jo das send jetzt no witzegi taeg gsi :)))
mer send oepe 24 lueht gsi aso no en recht grossi gruppe.. aber en super gruppe :))) het nume so es paar gha womer ned soo passt haend aber das esch glaub normal be 24 leuht.. di meischte send echt nett und witzig gsi :).. haemmer mega viel duetsch und schwizer gha.. nume es paar wo english gret haend.. fuer mech esch guet gsi ich han jo alli verstande.. di duetsche haend natuerlich eus schwizer halt ned verstande... hihi :)

tour esch ned schlecht gsi.. de guide.. naja es thema fuer sech :) aso di erschte drue taeg semmer fascht nume gfahre.. zwar scho met stops.. bes mer denn im uluru ahcho send.. :) dasch scho no schoen gsi.. scho bitz ihdruecklich :).. am beschte ah de ganze tour het mer aber sduse schlofe gfalle :))) mer haend zwoi mol dusse gschlofe und es soo schoen gsi.. han im lebe nonie sooo viel staerne gseh.. und emmer wennd weder mol verwachet besch hesch chli choene sterne luege :)..
mer haend au ned soo warm gha.. aso ned di gross hitz woni erwartet han do.. aber das esch glaub au besser gsi :)..
tier hani ned so viel gseh.. velech eis kaengeruh und no paar dingos :).. aber han jo scho vorher gnueg gseh.. au jo fluege hets natuerlich au gnueg gha :) aber glaube wells ned so heiss gsi esch esches au no ertraeglich gsi.. het ned soo viel gha wieni gmeint han :)..

jetzt gangi denn nochli no gho alice ahluege und am feufi zobe fluegi denn uhf cairns.. :)... hihi freu mi scho :))) endlich weder mol wasser und kei rote staub... :D.. de esch cheibe hartnaeckig..

hani denn uebrigens nume oepe zwoi mol empfang gha di letschte sechs taeg durum hani ned choene zrug schriebe maengisch :(.. aber jetzt funktionierts weder..

sonnigs greussli und koessli :)

Mt.Grampiens - Adelaide

sooo d'Mt. Grampiens send echt guet gsi :) mer send chli gho wandere und am obe haemmer denn ami s'cheminee gnosse im hostel :D esch weder echt es guets hostel gsi und sooo gmuetlech.. veruhse hets (vorallem am erschte obe) gregelet und mer send am warme fuer ghocket :D..

mer send denn uhfbroche richtig Adelaide womer nome en chline zwischestop gmacht haend.. nume de fritig obe.. denn semmer am samschtig + sunntig no ihs carrey valley :) gho en wiitour mache.. hmmm super wii :D z'obe haemmer denn no es BBQ gmacht ih dem huesli womer buechet haend fuer die nacht :) esch supper gsi.. eus het en australier womer ih de Grampiens kenneglehrt haend chli alles zeigt und eus au no es supper esse grilld :))))

am maentig morge semmer denn uhf kangeroo island.. dasch au mega schoen gsi.. nume d'faehre esch chli gar tuer gsi.. :( aber mer haen defoer seeloewe gseh und delphin ih de freie natur :) soooo cool..
und natuerlich au koalas,kaengeruhs und viel wallabys und opposums :D

jo jetzt beni weder in adelaide und han d'chantal grad vorher ah flughafe brocht fuer ehre retour flug :((((... esch scho ned so eifach gsi si zo gho z'loh..
aber ech freu mi jetzt au uhf mini letschte zwoi woche do :) am samschtig startet mini tour ihs outback und nochene ghots denn uhf cairns zum gho schnorkle :)))..

weiss gar ned meh schriebe.. ghot jo nueme lang und denn beni weder deheime ;) denn chanis denn persoenlich verzelle.. esch eineweg besser :D..

sonnigs greussli ihd schwizz..

(es esch super wetter do und waaaaaaarm :)))))))

Great Ocean Road

nach melbourne semmer gstartet zu de graet ocean road :).. dasch esch mega schoen gsi.. ih der erschte haelfti bes apollo bay esche d'stross emmer mega schoen de kuschte noche gange.. und s'wetter het au grad gstumme :) het also es paar *ahhhh* und *ohhhh*s ghae :))))....
mer haend denn in apollo bay imene super hostel ubernachtet :) mega modern und schoen gsi vom gebaude her und au d'ihrichtig :).. au s'doerfli esch no haerzig gsi.. haend's aso nume ungern verloh.. aber esch glaub besser gsi well :
mer haends super wetter und liecht gha ih der zwoite haelfti vode great ocean road.. be de 12 apostel :).. esch super gsi...
nach de letschte nacht uhf dere route in port fairy haemmer ihs denn be sturm und rege uhfgmacht richtig mt.grampiens :)...
jo und do semmer denn geschter glandet... es esch scho weder es super hostel.. sooo gmuetlech speziell wenn's veruhse stuermt chasch do gmuetlech uhfemene sofa hocke bem fuer zue :))) sooo haemmer denn au de geschtrig tag no verbrocht..
huet semmer gho wandere :)) jo echt ueber stock und steih.. zwar ned sooo wiit aber fuer mech hets glangt.. :).. jo het guet do.. und schoen gsi esches au :) morn goemer denn richtig adelaide :).. mer haend geschter no eine kenneglehrt vo dete wo eus chli wod insider zeige vo dere stadt :) ben jo gspanne..

grueschen.. :)

Sydney - Melbourne..

am letschte dienschtig haemmer denn euses auto doerfe gho abhole.. en nissan ergendwas :).. esch no es cool chlises 4 toerigs auto.. und ohni heck hinde :) haend scho gmeint mer choemed so eine oeber..

d'chantal esch denn uhs Sydney uhse gfahre.. ben no froh gsi.. werde jo ami scho chli nervoes ih de grosse stadt :)... esch es paar minute gange bes mer zu dere stadt uhse gsi send aber mer haends gschafft :)))...
mer send denn (oder haends probiert) de kueschte noche durab gfahre.. dstross esch halt ned emmer am meer verloffe aber wenn mers denn weder mol gseh haend haemmer mega freud gha :))..

de erschti stop in Kiama (es chlises fischerdoerfli).. mer send dete aber nume oepis gho esse... mer send denn wiiter bes uhf Huskison.. hihi dasch es richtigs kaff gsi.. esch mer emol so oebere cho.. :) mer haend ihs denn schluss endlich entschiide das mer es zimmer naehmed imene pub (s'einzig pub dete).. ech glaube de hauptgrund das mer eus fuer da entschiede haend esch gsi das s'pub grad im EG gsi esch :).. mer send denn au ned ihs zimmer bes mer haend welle gho schloffe.. dasch glaub au besser gsi :(((.. guet velech haetts chli freundlicher uhsgseh das zimmer aber mer haette allwe no viel meh endeckt... aso lache haemmer muesse.. dasch mer echt wie en schraegi komoedie ihne cho.. :)) das het alles soo furchtbar uhsgseh.. d'waend send fascht obenabe cho.. putzt esch glaub worde vorehre ehwigkeit.. vom wc waemer gar ned ersch rede :))..
send denn froh gsi am morge so schnell wie moeglich uhs dem zimmer uhse z'cho :)
en wunderschoene morge hett ihs do ahglachet und mer send froh gsi womer endlich am erschte strand in Narooma glaege send :)) esch zwar en chalte wind gange aber wenn d'sonne seche ned grad verchroche het hindere wolke esches super gsi :).. send denn aber no wiiter gfahre bes uhf Merimbula... dasch no echt es schoens doerfli gsi :) haend ihs denn entschiide dete mol en tag z'bliebe..
am obe semmer no gho kaengeruhs ahluege.. frei umehuepfendi :) esch echt cool gsi.. au s'erscht mol fuer mech.. und sooo viel :)
z'obe haemmer denn mega fein gchochet (aso d'chantal het natuerlich gchochet :).. hmmm.. esch super gsi.. :)
am naechschte morge semmer denn gho spaziere/walke :).. esch no en schoene waeg gsi am fluss entlang.. und am nomitag natuerlich an strand ghoecklet.. :).. aber au doo het sech d'sonne hinder de wolke versteckt.. emol maengisch...
mer send denn am obe no gho thailaendisch esse und haend muesse feststelle dass do jo ih de restaurant maengisch muesch de wii selber mitbringe :(((.. het ihs natuerlich gar ned passt vorallem well mer s'esse scho bschtellt haend.. eigentli hanis jo gwuesst dass da vorchunt do.. ben bes jetzt aber emmer nume ih de staedt gho esse und dete hanis nie muesse.. jeno :) jetzt wuesse mers..

am naechschte tag haemmer eus denn frueh uhfgmacht uhf phillip island :)) hani welle gho pinguin luege.. aber jo mer send au weder ganz zwoi gschiiti.. meinsch eini haett mol im reisefuehrer glese uber die pinguin.. ! die chasch naemli nume am achti z'obe gseh wenns uhsem meer zrug choemed.. :( und mer send am vieri dete gsi... jo send denn aber glich wiiter uhf Melbourne :)))) hani mi gfreut uhf die stadt.. und haett sech bestaetigt.. :) bes jetzt... haend emol am obe denn en gueti bar gfunde.. womer au haend choenne veruhse hockle.. (esch sogar no gheizt worde).. jo esch aso grad ned so warm do.. muess glaub nochli poeschtele do :)))) hihi gueti uhsrede hae :)))

im moment warte mer grad druf das en parkplatz frei werd do vom hostel.. damit mer endlich euses autoeli choen ihne stelle.. jo aber glaube mer haend glueck :))))

liebs gruessli und koessli ihd schwiiz :)

Sydney.... (22.03.08 - 25.03.08)

jooo :) endlich isch d'chantal biimer :) leck hani freud gha woni si gseh han am flughafe.. das esch scho es super gfuehl gsi.. :D..
mer send denn ihs hostel.. wo echt guet uhsgseht :) esch en unbauti alti zugstation.. und wuerkli direkt am bahnhof :) aber komischer wiis ghoere mer zueg nie.. aber gseh duemer si ame..
nachem ihchecke semer mol chli ihd city gho flaniere zerscht mol :).. och esch das schoen gsi und fein :) hmmm.... jojo und denn todmued ihs bett gheit..
geschter semmer denn no gho s'opere hus ahluege.. und d'harbour bridge.. esch no guet gsi :)..
s'wetter esch emmer chli solala.. huet esch zwar weder mol chli besser.. :) hoffe mer mol s'bliebt so..

die stadt do gfallt mer wuerkli no :) esch emmer oepis los.. und haend ech au stylischi bars und restaurant.. jojo...

morn morge choemer denn ghos auto hole :) ben jo gspannt was fuer eis das da esch :)...

jetzt goemer nochli ihd city und zobe denn allwe no ihs imax wo anschinend 10 mol groesser esch als euses.. :) mol luege.. und 3D.. glaube da ih de schwiz esch nume 2D oder ????

jo ich hoffe ehr haend alli super verschneiti oschtere gha :)
bes zum naechschte mol :) grueschen.. !!

Newcastle... (18.03.08 - 22.03.08)

soo.. hani schnell ziit nochli ueber newcastle zverzelle.. :).. also d'city esch echt guet gsi.. het super alti backsteingebaude gha.. die send jetzt eifach umbaut und gsaehnd jetzt richtig guet uhs.. jojo esch jo mol en industriestadt gsi..

gmacht hani eigentli ned so viel :) am erschte tag ben gho d'city ahluege.. und gfoetelet.. zobe hani denn no poekerlet und sage und schreibe gwunne :).. 25.-.. hihi.. :) han schoen freu gha..
am zwoite tag hani sone wiitour is hunter valley gmacht :).. jo dasch aso echt super gsi.. lol.. oepe fuef statione und jede wii esch super gsi.. :D ben natuerlich scho es bitzeli beschwipst gsi am schluss..
jo de fritig esch denn ned sooo guet gsi.. het de ganzi tag meh oder weniger gschiffet.. han denn nume glese, film glueget und mol mini woesch gwaesche :)

und am morge frue uhfstoh fuer uhfe bus nach sydney...

Port Macquarie.... (15.03.08 - 18.03.08)

jo min uhfenthalt in P.M. esch solala gsi :) maengisch chli langwillig welli ned wuerkli geld gha han zum mache wasi han welle.. hani welle gho deep sea fishing mache uhfem meer.. de ganzi tag waeri da gsi :) secher no geil aber 120.- esch chli viel gsi :(..

jo s'staedli esch no haerzig gsi.. aber ebe das send di meischte do :)... s'hostel esch no guet gsi.. ben serscht mol imene mix-zimmer gsi wells kei anderi meh frei gha het.. aber dasch super gsi :) hani drue supe interesanti manne kenneglehrt :)... jojo esch halt guet gsi das mer alli einzeln greist send.. suscht wenn zwoi zaeme am reise send bliebes eh meischtens ehleige.. jo und hani fescht gstellt das (die) manne viel ordentlicher gsi send als maengi frau :) hesch emol grad gseh welle rucksack das mer ghoert.. ( und ned waege de grossi !!).. jo de einti vo dene esch met em bike underwaegs dur australie.. oepe s'feufte mol :) jo de liebt da land wuerkli...
und di andere send suscht am reise.. d'einti scho set 12 moentet.. jo dasch en langi ziit.. jo dasch no guet gsi.. mer haend no viel gschnoerelet mitenander :)...

Coffs Harbour.. (12.03.08 - 15.03.08)

sooo chomi weder mol dezue zum chli oepis schriebe :) s'internet esch zum teil recht teur do..
jo also zu C.H. dasch echt es geils oertli gsi :) mega ruhig vorallem nache byron bay.. het mer mega guet gfalle :) de strand esch mega noech gsi und es het fascht kei lueht dete gha.. min erschti strand woni fascht ehleige gsi ben :) hans mega gnosse.. und d'huend haend dete au doerfe bade.. het dur da viel gha wo send gho spaziere und spiele mitene dete :) och hani sooooooooooooooooo langi ziit becho nach mim schaetzeli...

eih nomitag beni no gho riite :).. dasch au mega cool gsi.. zwoi stund (han schoen muskelkater gha nochene)... und zuefaelliger wiis send no zwoi schwizer (es paerli) woni no kennt han vom trip uhf fraser island au mit cho :)
esch au cool gsi weder mol deutsch zrede..

ah hochdeutsch rede chani denn nueme.. esch furchtbar.. wenni es wort sueche chunts mer nume no uhf english in sinn.. das fuert aso dezue dasi au met duetsche und oeschtericher duen english rede :) esch eifacher... echt komisch.. chomer ami chli bloed vor wenni ned mol meh duetsch chan.. :(...

jooo ahh jo denn beni no imene chline zoo gsi in C.H. woni han choene delphin ahlenge :) dasch echt geil gsi !! hani mega freu gha dra :)... esch no luschtig soo gummig und weich und nass natuerlich :)...

byron bay (und nimbin)

sooo.. am sunntig beni jo denn ah mim erschte stop in byron bay ahcho :)...
die fahrt met em greyhound bus esch echt no geil gsi :) hani nochli oepis gseh vom land.. es esch au mega bequem gsi und het sogar en schissi gha :) was fuer australischi verhaeltnis ueberhaupt ned ueblich esch :)...

byron bay esch echt no cool.. es richtigs surferdoerfli.. :).. de strand esch glaub eine vo de schoenschte woni bes jetzt gseh han...
und ich han uhsegfunde das die do di bescht glace haend :).... hmmm.. so guet..

am maentig hani de tag chli in byron bay verbrocht.. ben no zum lighthouse gloffe.. phu.. dasch raecht ahstrengend gsi.. uhe abe uhfe abe :).. aber het guet do woni denn obe ahcho ben.. jo zobe beni denn no met ehre irin vo mim ruum gho znacht esse.. sushi :) hmmm war lecker.. und denn frueh is bett.. ben mega uhf de schnoere gsi...

geschter hani en tour mitgmacht is doerfli nimbin.. dasch es beruehmts hippi doerfli gsi ih de 60ger johr.. oder emmer no kei ahnig :)... esch no luschtig gsi.. aso ech glaub das wuerkli alli lueht vo dete lebe emmer drofe send und au chli ih de 60er johr stoh blobe send..
kiffe esch dete jo "legal" das heisst d'polizei seiht eifach nueht.. chasch au chaufe dete und so wiiter ... wienes chlises amsterdam...
jo moecht aso ned dete lebe und die zwoi stund woni dete gsi ben haend au absolut glaengt :)

huet ghots jetzt wiiter zu coffs harbour :)... freu mi scho und ben natuerlich gspannt..

mit de lueht esch no easy do.. mer lehrt schnell neui lueht kenne.. mer muess halt au chli selber uhf dlueht zue gho.. maengisch klappets maengisch beni chli zschuech :) aber fuer das da min dritti tag esch hani eigentli scho viel kenneglehrt :).. mach mer do kei sorge..

freu mi natuerlich meeeeeeeeeeeeega uhf de chantal ihri ahkunft :) ech glaube das werd echt en geile unvergassleche trip :) och joo....

alsoooo bis bald :)

sonneuntergang in brisbane :)

sonneuntergang vo eusem huus uhs...

auto fuer d'sarah :)

hey sali sarah :) hani do es auto gfunde ih der city wo mi grad ah dech erinneret het.. waer doch no oepis :)... nume snumere schild muesst nochli andersch si.. :)

friends....

sooo.. hani denkt dueni no paar foeteli vo dene lueht druf woni ame so treffe :).. esch echt emmer luschtig mit allne :D....

grueschen.....

grueschen vom strand vo moolooloba :) esch zwar scho es ziitli her aber chume jo ersch jetzt dezue mol es paar foeteli druf ztue :)

sooo nume no en woche in brisbane...

morn inere woche heisst denn weder rucksack packe.. :) uhf der einte siite freue mi natuerlich mega uhf der andere siite werdi au die lueht do vermisse... jo aber so esch das halt :)..
die naechscht woche wie au die letscht gaemer defor nochli gas :).. esch jede tag oepis los.. jo und ah dschuel denki jetzt scho nueme so viel.. mage au nueme so gho.. han chli gnueg vom english lehre :) aber met em rede lauft super.. chume denn allwe scho zrank :)..
jojo.. viel meh chunt mer grad ned in sinn.. foeteli send im moment grad chli rar aber velech chumi no dezue paari drufztue und suscht gehts denn secher mol en foeteli obe fuer alli wo luscht haend :) weder mol en grund fuere fescht wuerdi saege :))))))))))....
bis zum naechschte mol :D

uhsgang :)

soo.. geschter het eine vo minere klass en mexico obig gmacht met tortiallas und sangria :) und nei kei tequila.. :D esch echt no luschti gsi vorallem well mer numeno fraue gsi send am schluss :D di eint het no geburtstag gha.. jojo esch super gsi :)
huet obig goemer au nochli furt :D... wird sicher au guet.. glaube di halb klass vo mer esch au am gliche ort underwaegs.. sisch eigentli scho no cool.. die lueht send mer zum teil scho au betzt ahs herz gwachse.. jo :) denke bliebe mit allne meh oder weniger in kontakt.. vorallem gaebig isch ich chan nochene de einti in mexico di ander in brasilie, oder thailand gho bsueche :))) muess aso scho in kontakt bliebe.. :D
also meld mi weder.... knutscher vo brisbane :D

technick...

sooo.. also euse laptop funktioniert nueme.. jetzt schriebi amel vo de kathleen ehrem compi uhs.. jo durum hani au nueht meh gschriebe in letschter ziit..
aber jo allgemein technick funtkioniert do ned so guet :( min ipod spinnt au total im moment..

soo jetzt no zum der letschte ziit do :).. halt ohni foeteli im moment..
also vorletsch weekend semmer im australien zoo gsi.. dasch de met em steve ... wo um cho esch glaub vor zwoi johr.. de kenned ehr secher :).. jo dasch no guet gsi.. mer haend krokodile gseh usw.. und sbeschte am ganze hani otter gfunde :D die send sooooo haerzig gsi.. ech weiss die choenti au ih der schwiz ahluege aber han si nonie so wuerkli gseh :D

am sunntig semmer denn in moolooloba gsi :) dasch ah de sunshine coast.. het mer no guet gfalle dete ah dem strand :D.. mer haend aber au en guete/schlechte tag verwuescht.. mer send ahcho super wetter.. legge en stund am strand denn chunts mega cho schiffe.. mer haend grad no ih di naechscht schissi moege :).. nach oepe 15 min. esches verbii gsi.. mer send denn oepis gho esse und weder an strand glege.. und sage und schreibe 10 min. schpoeter fangets weder ah schiffe.. jo also weder ergendwo undere gstande :) defoer esch nach dere zwoite atacke mega schoen gsi und mer haends oepe no drue stund richtig choenne gnuesse :D..

das weekend semmer gho seaworld ahluege :).. esch zwar mega teur gsi.. so 66 dollar aber es esch no cool gsi.. mer haend haie, seeloewe und natuerlich delphine gseh :) und no viel meh aber delphin send am geilschte gsi.. och die send so haerzig gsi.. moecht au mol met denne schwimme..

geschter semmer denn eifach chli ih der city gsi :) aso jo saege mer oepe drue stund gho brisbane ahluege :D.. esch no guet gsi.. haemmer weder es paar viertel meh gseh..

jojo.. jetzt ben grad chli ah mim trip plane.. aso emol di erschti station :) de buspass hani jetzt mol und muess jetzt eifach no in byron bay es hostel bueche.. die send glaub ami schnell uhsbuecht.. jo ghot jo nume no drue woche mini schuel do.. das heisst am 9.maerz verlohni brisbane..

sodeli meh chunt denn bald :D mag nueme meh schriebe do ah dem arbets platz esch ned so bequem..

schuessiiiii

fraser island

sooo jetzt chani euch verzelle wie super dass mers gha haend uhf fraser
island :)) aso mer haends beschte wetter verwuetscht :D denke jetzt mol
well ehr alli schoen dume drueckt haend :)))

aso am samschtig morge semmer jo abgfahre :) dfahrt esch ned so geil gsi wells eus vier trennt haend und ich imene andere bus ghocket ben.. (de uhfem foeteli esch euse bus gsi fuers weekend).. aber ih mim bus hets oepe fuef schwizer gha und denn hani denn mit dene bitzeli gschnoerelet..

mer send denn de ganzi tag met dem bus umegfahre und paar sache gho ahluege uhf dere insle.. dasch ned so spannend gsi und ben denn froh gsi womer zobe endlich mol im hotel ahcho send :).. denn churz umzoge und denn hets es feins znacht ghae... :) zwar leider keis typisch australischs barbecue am australien day.. aber esch guet gsi :)) und nochene nochli party.. dasch echt luschtig gsi :) aso ich han mis fescht gha.. jojo mol einisch :) sozage mis erschte fescht do in australien..

am sunntig semmer denn an lake birrabeen.. de esch wie de lake mcKenzie eifach ned so gross und au ned so oeberlaufe met touris :) esch mega schoen gsi... mer haends richtig gnosse... esch mer chli vorcho wie im paradies.. en wunderschoene strand met de schoenschte farbe was wasser ahbelangt und denn ersch no suesswasser :))) dasch oepe shighlight gsi vo dem tag :)

au am maentig semmer no zumene see.. lacke wabby.. dasch aber einiges ahstrengender gsi well mer zersch mol haend muesse dur en sahara aehnlichi wueschti laufe.. aso jo es esch no ihdruecklech gsi aber eifach verdammt heiss und ahstrengent und de weg durd wueschti esch oepe en kilometer.. :) umso schoener esches gsi womer denn endlich ah dem see ahcho send.. und rein ins wasser :).. dasch en regewasser see..durum au so gruen aber swasser esch herrlich gsi :))

denn semer denn uhfe heiweg (natuerlich nomol zrugg laufe nach dem erfrischende bad).. ben nonie ih mim lebe so froh gsi dasses klimaahage geht:).. jo und ben denn au froh gsi womer deheime gsi send.. mol dusche.. alle sand entferne.. was verdammt viel gsi esch :) mer haend denk grad oepe en viertel vo dere insle heignoh :))) neinei aber esch verdammt viel gsi :D de sand esch sehr hartnaeckig do :)

jojo das waer min fraser island trip gsi :) ben jo scho gspannt was mer als naechschts mache ;).. velech mol chi geld spahre :)))) waer glaub no en gueti idee... hihi :) also gueti ziit und bes zum nachschte mol :D...

1. car / 2. dmimi und ich am lacke birrabeen / 3. smeer.. womer aber ned haend doerfe bade drinne.. waege haie und gfoehrliche stroemige.. / 4. vesna und ich / 5. lacke birrabeen / 6. dmimi / 7. lacke wabby

de huetig fritig obe..

joo.. dasch eigentli scho no luschtig.. :)) ih dem moment woni do schriebe und scho weekend han.. haender no de halb tag vor euch :)) hihi.. aber jo defoer haenders jo denn besser am sunntig :)

also huet beni met de ashley und es paarne vo ehrne kollege gho esse.. also natuerlich ales koreaner und eih taiwaner.. und ich schwizeri :).. aber ben mer ueberhaupt ned komisch vorcho :))) mer haends mega luschtig gha mitenander.. mer send gho vietnamesisch esse :) esch echt no guet gsi.. si moeched das ergendwie all zwoi woche dass oepis neus ghoend gho probiere.. fende das no cool :) duene jo gern neui sache probiere..

jo und ech ben eigentli nume scho jetzt weder deheime well mer morn euse trip moeched zu fraser island :)))
http://www.fraserisland.au.com/index.htm (fuer alli wos interresiert).. :)

jojo und do muemer selbstverstaendlich frueh uhfstoh :))) ich gange met de vesna, jessica und de mimi :)))
meh stoff :) gehts denn naechscht week.. :)) hoffe eifach mer haend schoen wetter.. :) ah und mer ghoend drue taeg.. mer haend jo es verlaengerts weekend..

ahh.. und met em english werds au emmer besser :) ben au guet dinne ih de zwischepruefige :)... chunt also scho guet..

soooo feschti umarmig ihd schwiiz :))) hoffe ehr haend au es guets weekend :)

endlich beni mol zu sushi cho :)

geschter obig hani endlich mol sushi do australien choenne teschte :)))
ben geschter met de vesna gho sushi esse und nochene no eis gho trinke :)
esch no witzig gsi :))) und sushi esch mega guet gsi.. jammi jammi :))) und
denn ersch no so billig.. find ich :)..
:))) chantal.. ech glaube wenn mer denn zaeme unterwegs send werde mer
secher gnueg sushi esse.. :).. klar fuer all assiate esch es do in australien scho
eher teur aber gaege dschwiiz :).. ned schlecht :)))